Kənd Təsərrüfatında Rəqabət Qabiliyyətinin Gücləndirilməsi Layihəsi uğurla davam etməkdədir. Layihənin gedişatını müşahidə etmək, müəyyən tövsiyyələr və təkliflərini bildirmək məqsədilə Dünya Bankı Gəncə Regional İqtisadi Məsləhət Mərkəzinin ofisini ziyarət edib.GRİMM heyəti Dünya Bankının və eləcə də Layihə rəhbərliyinə bugünədək icra etdikləri işləri əks etdirən təqdimatı nümayiş etdirdi və daha sonra isə təqdimat müddətində yaranan sualları cavablandırdı.

Sub-layihələrin gedişatına baxmaq, təhlilini aparmaq və layihənin növbəti mərhələsində izlənilməli istiqamətləri müəyyən etmək üçün Missiya sub-layihələrin icra olunma yerlərinə işgüzar səfərlər təşkil etdi.GRİMM-in Xidmət Təminatçısı kimi öz rolunu yüksək peşəkarlıqla yerinə yetirdiyini qeyd edən və işlərin bugünə kimi müvəffəqiyyətlə icrasını yüksək qiymətləndirən Missiya öz işini tamamlayıb layihənin növbəti mərhələsində GRİMM heyətinə uğurlar arzu etdi.

Layihə çərçivəsində Maraq Qrupları ilə görüşlər keçirilməkdədir. Qurulacaq Dəyər Zənciri üzrə fermer və emalçıların iştirakçılığı ilə keçirilən bu görüşlərdə onların əsas çətinlikləri, üzləşdiyi maneələr, ehtiyacları, istehsal həcmi və s. haqqında geniş müzakirələr aparılır. Nəzərinizə çatdıraq ki, bu görüşlər Konsepsiya Qeydlərinin hazırlanması baxımından çox əhəmiyyətlidir.

Fermer Qrupları və Emalçı qurmaq istədiyi DZ üzrə Konsepsiya Qeydi hazırlamalı və bizə təqdim etməlidir. Daha sonra bu sənəd qrant uyğunluğunun qiymətləndirilməsi üçün aidiyyatı quruma göndərilir. KQ ya qəbul, ya da rədd edilir.

Fokus Qrupları ilə görüşlərdən şəkillər:

Kənd Təsərrüfatı Rəqabətqabiliyyətinin Gücləndirilməsi layihəsinin Xidmət Təminatçısı kimi GRMM layihənin üzərinə düşən birinci mərhələsini – İnformasiya-Təbliğat fəaliyyətlərini tamamladı. Belə ki respublikanın 30 rayonunda layihənin təqdimatı keçirildi, fermerlər, sahibkarlar, emalçılar, həmçinin icra nümayəndələri Layihə haqqında məlumatlandırıldı. İnformasiya-Təbliğat fəaliyyətlərinin əsas məqsədinə, layihə iştirakçılığında maraqlı tərəflərin müəyyən edilməsinə nail olundu. Layihə gedişatına uyğun olaraq maraqlı tərəflər Maraq İfadələrini və daha sonra isə Konsepsiya Qeydlərini hazırlamağa başlayır.

İnformasiya-Təbliğat fəaliyyətləri üç ay davam etməklə 30 rayonu əhatə etdi.

“Kənd Təsərrüfatında Rəqabət  Qabiliyyətinin  Gücləndirilməsi  Layihəsi” çərçivəsində informasiya və təbliğat
fəaliyyətləri daha beş rayonda həyata keçirilib. Layihənin təqdimatı 23 avqust Ağcabədi və Quba, 24 avqust Şabran, 25 avqust Xaçmaz və Qusar rayonlarında baş tutub. Təqdimatlardan sonra maraq qruplarını müəyyən etmək məqsədilə sual-cavab şəklində iştirakçıların layihəyə münasibəti öyrənilib. Səfərlər zamanı bir çox  icra  nümayəndələri,  bələdiyyələr, emalçı, sahibkar  və  fermerlərlə məhsuldar görüşlər keçirilib.

“Kənd Təsərrüfatında Rəqabət  Qabiliyyətinin  Gücləndirilməsi  Layihəsi” çərçivəsində informasiya və təbliğat fəaliyyətləri ölkənin müxtəlif regionlarında davam etməkdədir. Bu dəfə layihə üzrə səfərlər 16 avqust Masallı, 17 avqust Lənkəran, 18 avqust Cəlilabad və Biləsuvar, 19 avqust Astara rayonlarında baş tutub. Həmin səfərlər çərçivəsində layihənin təqdimatı keçirilib, icra  nümayəndələri,  bələdiyyələr, emalçı, sahibkar  və  fermerlərlə məhsuldar görüşlər keçirilib.

“Kənd Təsərrüfatında Rəqabət  Qabiliyyətinin  Gücləndirilməsi  Layihəsi” çərçivəsində informasiya və təbliğat fəaliyyətləri sürətlə davam edir. Buna müvafiq, 16 iyul Şəmkir, 28 iyul Kürdəmir, 2 avqust Göyçay, 4 avqust Samux, 10 avqust Saatlı, 11 avqust Bərdə və 12 avqust Ağdaş rayonlarına işgüzar səfərlərimiz baş tutub. Həmin səfərlər çərçivəsində İcra  nümayəndələri,  bələdiyyələr,  sahibkar  və  fermerlərlə məhsuldar görüşlər keçirilib.

    Azərbaycan  Respublikası  Kənd  Təsərrüfatı  Nazirliyi  yanında  Kənd  Təsərrüfatı  Layihələri  və  Kreditlərin  İdarə  edilməsi üzrə  Dövlət  Xidməti  tərəfindən  həyata keçirilən “Kənd Təsərrüfatında Rəqabət  Qabiliyyətinin  Gücləndirilməsi  Layihəsi”  çərçivəsində    26  iyul  2016-cı  il tarixində  Tərtər  rayonunda  İcra  numayəndələri,  Bələdiyyə,  sahibkar  və  fermerlərin  iştirakı  ilə  görüş  keçirilib.

Görüşdə ictimayyətə layihə haqqında geniş məlumat verilib və bölgə üçün nisbi üstünlüyə malik olan dəyər zəncirlərinin müzakirəsi aparılıb.

GRMM respublikamızın müxtəlif rayon, kənd  və qəsəbələrində məskunlaşmış məcburi köçkün gənclərlə də maraqlanır və onlara informasiya-məsləhət xidmətləri göstərir. Belə ki, GRMM, ictimaiyyətdən uzaq, təhsilsiz, bir qədər həyat fəaliyyətləri sönük olan məcburi köçkün gənclərlə iş aparır, onların problemlərini öyrənir, onlarda stimul yaratmaq istiqamətində məqsədyönlü tədbirlər həyata keçirir.Məcburi köçkün gənclərin cəmiyyətin aktiv bir üzvü olması, onların peşə fəaliyyətlərinin yaxşılaşması və gəlir imkanlarının artırılması üçün GRMM, həmin qrupdan olan gəncləri kompyuter kurslarına və onları maraqlandıran digər peşələrə dair təlimlərə cəlb edir. GRMM-nin mütəxəssisləri məcburi köçkün gənclərə, onların yaşadığı ərazi üçün perspektivli olan peşələrin seçilməsi, həmin peşələrə uyğun lazım olan avadanlıqlar və onların alınması, gənclərin öz bizneslərini qurması, bununla bağlı sənədləşmə qaydaları, biznes planların hazırlanması, bazar araşdırmaları, gəlir və xərclərin hesablanması və s. məsələlərə dair təlimlər keçir və onlara faydalı məsləhətlər verirlər. Bundan başqa GRMM-nin mütəxəssisləri seçilmiş gənclərə mentorluq xidməti göstərərək, onlara bazar araşdırmalarının aparılması, təhcizatçı və müştərilərlə əlaqələrin qurulması və s. fəaliyyətlərlə bağlı kömək edirlər. Qeyd olunan fəaliyyətlər nəticəsində məcburi köçkün gənclər yeni peşələrə yiyələnirlər və öz ailələrinə gəlir gətirməklə köçkün ailələrinin ələ baxımlığı azalır, onların məşğulluq səviyyəsi artır, gənclərin vaxtlarını səmərəsiz keçirməsinin qarşısı alınıır nəticədə  onlar cəmiyyətin aktiv bir üzvünə çevrilirlər.